close
臺灣之音立刻下載官方APP
開啟
:::

粵語口語好多「都」?!

  • 播出時間: 2022-06-29
  • 按讚加入粵講粵威水粉絲團
粵講粵威水
香港中環蘭桂坊及蘇豪區一帶酒吧。(中通社提供)

喺粵語口語中,經常用到「都」呢個字,「你唔去,我都唔去。」「點都好啦!」「我都好開心。」「講極都唔聽」講嘅時候唔多覺,純口語寫落嚟之後一睇,如果唔刻意改吓嘅話,「都」實在好經常出現。

點解粵語咁經常用到呢個「都」字呢?粵語老師William先拆解吓「都」字嘅用法,首先一個用法係--表示前面所指嘅複數事物全部包括在內,呢個同中文「都」嘅用法類似,譬如「我哋都好開心。」。另一個用法,就係表示兩個或者兩個以上嘅嘢都係屬於同一類,或者有相同嘅狀況,有強調嘅功能,呢個同書面語「也」嘅用法類似。譬如之前舉過嘅例子:「你唔去,我都唔去。」

簡單嚟講,粵語口語嘅「都」,語義範圍比較大,佢有中文「都」同「也」嘅意思。而「也」對應返粵語口語,又有「又」、「亦」、「都」三個類似意思嘅字,咁啫點,啫「都」字,其實唔簡單囉!

節目主持人

相關留言