Rti 中央廣播電臺 
Rti 中央廣播電臺 
衛生福利部19日上午舉辦「聯合國兒童權利公約」（CRC）第2次國家報告發布記者會，政務委員林萬億（後左3）在致詞中提到，「兒童表意權」是提升台灣兒童權利不可少的關鍵，近年中央及地方各部門致力改革，尊重兒童意見，落實兒少最佳利益。中央社記者陳婕翎攝 110年11月19日 (圖：中央社)
「守護孩子」、「兒童權利」喺今時今日嘅世代係必然嘅一件事。但係喺一百年前，呢一切都係天方夜譚。
上個世紀，喺日本某部分村落，殺嬰係控制人口增長嘅手段；工業革命前，英國會去孤兒院搵嬌小玲瓏嘅小朋友清潔煙囪內部。
呢啲小小嘅清潔工甚至會染上唔同程度嘅後遺症。長遠影響到佢哋嘅健康。更加令人心痛嘅仲有政治洗腦。
唔少政府領導人，為咗鞏固自己嘅政治地位，向小朋友入手。將純真嘅兒童塑造成極權之下嘅鬥爭工具。
譬如二戰時期惡名昭彰嘅「希特拉青年團」、日本「少年飛行兵」（即「神風敢死隊」），文化大革命的紅衛兵⋯⋯
縱然時至今日，一個非常講求兒童健康成長嘅普世價值嘅世道之下，仲會有好多極權政府繼續用唔同方法將呢種洗腦教育借屍還魂。
上一集，朱Sir同美智從日常開始講解兒童權利；
今集將換個角度，遊走不同時間、地方嘅「兒童權利」發展進程。了解兒童所背負嘅期望，亦一併思考兒童未來！
