「守護孩子」、「兒童權利」喺今時今日嘅世代係必然嘅一件事。但係喺一百年前,呢一切都係天方夜譚。
上個世紀,喺日本某部分村落,殺嬰係控制人口增長嘅手段;工業革命前,英國會去孤兒院搵嬌小玲瓏嘅小朋友清潔煙囪內部。
呢啲小小嘅清潔工甚至會染上唔同程度嘅後遺症。長遠影響到佢哋嘅健康。更加令人心痛嘅仲有政治洗腦。
唔少政府領導人,為咗鞏固自己嘅政治地位,向小朋友入手。將純真嘅兒童塑造成極權之下嘅鬥爭工具。
譬如二戰時期惡名昭彰嘅「希特拉青年團」、日本「少年飛行兵」(即「神風敢死隊」),文化大革命的紅衛兵⋯⋯
縱然時至今日,一個非常講求兒童健康成長嘅普世價值嘅世道之下,仲會有好多極權政府繼續用唔同方法將呢種洗腦教育借屍還魂。
上一集,朱Sir同美智從日常開始講解兒童權利;
今集將換個角度,遊走不同時間、地方嘅「兒童權利」發展進程。了解兒童所背負嘅期望,亦一併思考兒童未來!