Rti 中央廣播電臺 
Rti 中央廣播電臺 
農曆春節即將到來，路邊商家近日循例擺出各式春聯，大紅色調增添過年喜慶氛圍。 (圖：中央社)
今日已經係年廿九，要過年了。
台灣嘅春節連假從今日開始，連放七日，真係好正！一放假，成個人都覺得身心舒暢，尤其今日嘅天氣仲風和日麗、不冷不熱，實在係做咩都適合。
前幾日趕住收工過年，屋企嘅野反而未做過，今日可以執執屋、打掃吓、貼吓揮春、順便背下過年幾時都用得到嘅祝福說話。
過年，好話就要掛嘴邊，身壯力健、龍馬精神、萬事勝意、福星高照、步步高升、一帆風順、出入平安......呢啲都好經常講。想特別小小，可以背吓呢幾句：豬籠入水、四萬咁口、靚到爆鏡、健壯如牛、得心應手 常賺常有、身壯力健 撈乜都掂、掂過碌蔗、見牙唔見眼...... ，講呢啲盞鬼祝福嘅說話，唔知會唔會逗更多嘅利是呢！
