close
臺灣之音立刻下載官方APP
開啟
:::

廣東話好嘈?好似嗌交??

  • 播出時間: 2021-03-17
  • 按讚加入粵講粵威水粉絲團
粵講粵威水
香港街景(網路圖片)

聽過好多唔識廣東話嘅人講,覺得廣東話好嘈、講嘢好尖、好似嗌交?

我地自己廣東人真係唔覺喎!淨係覺得廣東話好精神。如果真係要研究點解會有呢個感覺嘅話,最主要、最主要嘅原因應該係--你唔識廣東話,聽唔明先至覺得嘈,聽得明就聽人地講緊咩了!

除此之外,覺得廣東話嘈嘅呢個狀況,好多人都鐘意從聲調嚟分析。廣東話嘅聲調,無論係傳統中國聲韻學講嘅廣東話九聲,定係將入聲列為單獨嘅聲調,講嘅廣東話六聲,廣東話嘅聲調都係高低音嘅差別。

所以,為左要講清楚係屬於邊一個音階,當講嘢嘅時候,將低音壓低啲,高音又抬高啲嘅話,會比較容易分得清楚係邊個音。係唔係咁樣聲調嘅轉嚟轉去,令到聽唔明嘅人覺得嘈呢?

定係因為廣東人講嘢快?講嘢直接?講嘢大聲?講嘢少左啲笑容?......???

節目主持人

相關留言