Rti 中央廣播電臺 
Rti 中央廣播電臺 
香港旅遊秘境坪洲（香港旅遊發展局提供） (圖：中央社)
曾經，好多非粵語人接觸到粵語，學到幾句唔鹹唔淡嘅粵語，都係從流行文化開始。從聽粵語歌、睇粵語電影、仲有曾經風靡大江南北嘅好多港劇。
香港，的確將粵語嘅流行文化推向極致，創造左好多大家嘅共同回憶。
而家，雖然多左韓劇、陸劇、歐美劇嚟搶風頭搶地盤，不過以粵語嘅流行文化嚟講，香港依然都係喺領導地位，點都要講到香港。
喺香港，到底而家最興係睇咩聽咩呢？聽咩睇咩先至係貼地呢？睇，係咪要睇「Viu TV」，睇「大叔的愛」、「超感應學員」...；追星，要追MIRROR、Error。聽，就要聽林家謙、陀地歌姬Serrini...；仲有YouTube頻道「試當真」...，係唔係呢？其他仲有呢？
喺呢啲流行文化當中，粵語真係發揮得淋漓盡致、精彩多變，充滿左無限嘅生命力！對粵語有興趣嘅，又點可以唔關心呢啲流行文化呢！
