Rti 中央廣播電臺 
Rti 中央廣播電臺 
粵劇演出。（傳藝中心提供）
有冇覺得識得唱粵曲嘅人，一開口真係零舍唔同。因為至少，粵語講得就特別正、特別清楚；而且講嘢都好有聲！？唔覺！去網路上面搵啲粵曲粵劇嚟聽吓啦！
唱粵曲講求字正腔圓，所以「露字」就好重要。「露字」，就係演員喺說白或者唱曲嘅時候，聽眾可以清楚聽到每一個字。簡單嚟講，就係咬字發音清晰。再配合詞曲嘅韻調拍子，粵曲要露字，比起講嘢可以講係仲難。不過，當中好多技巧又係類似嘅！
譬如講，要咬字發音清晰，一開始練習嘅時候，除左發音需要郁到嘅嘴型變化之外，唔好有太多嘅表情。（真係㗎！表情係會影響發音，不過等熟到成為習慣就唔會有影響㗎啦！）
另外，要放鬆，唇牙舌齒喉一概放鬆，除左發音需要用到嘅部位郁之外，其他都唔好多事，唔好亂郁！尤其上唇、唇啄、兩顎，好多人都有一啲長年養成嘅習慣，一發音，嗰嘴周圍成日亂郁，一亂郁，或者唔夠放鬆，都會影響發音。
仲有，想講嘢清楚，黐脷、縮脷、?脷、嘴型，呢啲問題都要注意。點注意？真係個個人問題唔同。總括嚟講，就係先講嘢慢啲，認真講每個字，一開始可能會亂用力，嘴型跨張左啲，慢慢練熟就要收，收力、收嘴型，啫除左有聲有氣字咬得準之後，仲要樣靚！
講咁多，明唔明呢？唔明就睇多啲聽多啲粵曲粵劇，注意睇呢啲粵劇大老官發音嗰嘴型，學到嘢㗎！
