Rti 中央廣播電臺 
Rti 中央廣播電臺 
宜蘭縣太平山下台港交流協會
宜蘭縣太平山下台港交流協會製作嘅台粵語言交換教材（取自協會Facebook ）
宜蘭縣太平山下台港交流協會製作嘅台粵語言交換教材（取自協會Facebook ）
宜蘭縣太平山下台港交流協會製作嘅台粵語言交換教材（取自協會Facebook ）
宜蘭縣太平山下台港交流協會製作嘅台粵語言交換教材（取自協會Facebook ）
一班從香港移居到台灣宜蘭嘅香港人，喺2020年，成立咗一個「宜蘭縣太平山下台港交流協會」，志在促進台港嘅文化交流，協助在台港人儘快融入台灣社會。
宜蘭係一個好山好水又好在地嘅一個地方，生活中講台語嘅機會比較多，想儘快融入，當然識台語就好重要。所以，「宜蘭縣太平山下台港交流協會」就辦咗呢個「台粵語言交換計劃」，一方面可以識朋友，另一方面又可以互學對方嘅母語。
協會嘅理事康駿銘，阿康就講：「呢個語言交換計劃，而家參加嘅香港人比台灣多。都可以理解，因為生活中會用到台語，所以香港人學台語比較有動力同需要。而台灣又冇粵語嘅生活環境，學咗平時又冇人可以對話，意願就冇咁高！」
其實，而家喺台灣各地，類似咁樣嘅「台粵」或者係「國粵」嘅語言交換越嚟越多，粵語喺台灣冇實用性？唔知呢！或者情況正慢慢改變中呢！？
