Rti 中央廣播電臺 
Rti 中央廣播電臺 
圖為加拿大溫哥華唐人街。 (圖:foter)
有冇覺得，就係母語，覺得要學要更精進嘅人反而越少？或者講，都已經係母語啦！已經識聽識講，點解仲要學呀？到底要學咩呀？咁就要睇你點樣看待你自己嘅母語！亦都要睇你有冇咁樣嘅自覺--譬如自覺可以學多啲，識深啲。
好多人，學外語好上心，尤其經濟語言、工作語言、可以搵錢嘅語言，梗係積極。咁對母語呀！夠用就得，都冇錯㗎！所以增加興趣真係好重要，增加對自己母語嘅興趣，自己會想學多啲。
點樣令人增加對母語嘅興趣？粵語老師William以自己嘅教學經驗為例，佢認為最有用嘅學習動力，一係利益、二係興趣。學好母語最大嘅好處，學多樣嘢點都係好嘅，點知以後咩情況。至於興趣，用粵語創作嘅作品越多、越好、越得意，吸引力就越大。
另外，想小朋友學好母語，從細，真係從出世開始到返學，大概呢兩、三年嘅時間，真係最好嘅黃金時間。尤其喺非母語地區，更要把握呢幾年，堅持呢兩、三年同佢講母語，小朋友就算入學之後，唔再講母語，佢都已經識聽。否則小朋友一大，一有辨別能力先話同佢講母語，想教佢，小朋友根本唔聽，亦都唔畀你講嘅啦！
