Rti 中央廣播電臺 
Rti 中央廣播電臺 
0243填詞法舉例（圖片取自Wong Chi Wah臉書）
0243填詞法舉例（圖片取自Wong Chi Wah臉書）
香港資深樂評人黃志華老師
三字成歌（圖片/黃志華老師提供）
二字成歌（圖片/黃志華老師提供）
一字成歌（圖片/黃志華老師提供）
由香港資深樂評人黃志華老師跟粵語老師William嘅對話，繼續嚟講0243填詞法喺實際應用上嘅好多變化。講真，音感真係好重要，音感好，咩樂理、聲調唔識都唔緊要，總之填到啱音又啱意思嘅字，就可以填詞。
如果音感唔夠好，就需要一啲方法--譬如0243填詞法咁樣嘅方法，佢可以講話係幫唔識樂理、粵語聲調嘅人，理解粵語填詞係咩事！甚至可以幫人快速掌握粵語填詞嘅一套方法。
咁雖然一直講0243，不過0243係代表字、代表音咋，想用其他字、或者其化音嚟代表都得𠺢。
而0243呢四層音高，譬如3嘅音高，係3種聲調嘅組合體，包括陰平聲、陰上聲、陰入聲。4亦都係3種聲調嘅合體，包括陰去聲、陽上聲、中入聲。2係兩種聲調嘅合體，包括陽去聲同陽入聲。只有0得陽平聲自己一個，呢個亦都係0點解會用得特別少嘅原因之一。
有人比較講究，會用02493，多個9，呢個係另外嘅一個派系。其實唔只9，仲有5，都會用到。如果夠犀利嘅話，394052786用九聲嚟填詞都可以，而且呈現仲會比較豐富，但係要搵到啱嘅字呀，搵唔到字填唔到詞，咁就冇辦法。
廣東字音嘅變化真係好大，一兩個字都可以唱到音域超過8度。0243，將粵語九聲分成四層音高，用嚟填詞實夠用，不過記得要加上聲調特點嘅運用呀！
