:::

點用「多謝」同「唔該」?原來有咁多嘅唔同

  • 播出時間: 2022-09-14
  • 按讚加入粵講粵威水粉絲團
粵講粵威水
買嘢又講「唔該」定「多謝」呢。 (圖:中央社)

對非粵語母語者嚟講,粵語有啲詞語真係好容易混淆,譬如「多謝」同「唔該」。

點解釋好呢! 粵語老師William以佢嘅教學經驗,佢會先講一般解釋。一般嘅解釋都講,有攞到實質嘅物質嘅,就講「多謝」;冇攞到實質物質嘅就係「唔該」。譬如:「多謝你嘅禮物。」有人幫你開門,就會講「唔該」。咁樣講,已經涵蓋咗好多情況,不過仲係有例外。

譬如有時,多謝,代表嘅心意比較重;唔該比較係舉手之勞。譬如:「多謝大家幫我慶祝生日。」而叫人順手攞樣嘢,就會講「唔該遞樽水嚟。」

仲有,當嗰件事已經完成咗,先講多謝。譬如「多謝合作」,「多謝參加」。未做嘅嗰件事,就會講唔該,譬如「唔該兜埋我返屋企」。

講咗好多,順便考吓大家。如果中午,同事順便幫你買飯返嚟,呢個時候,係講「唔該」定「多謝」呢?兩個意思好唔同啊?

節目主持人

相關留言