肥胖腯 肥腯腯 好文言嘅粵語

Rti 中央廣播電臺 Rti 中央廣播電臺

肥、胖、腯的用法

粵語講嘅肥腯腯，腯腯，呢兩個字，可能好多人識講都唔識寫！亦都有好多人以為呢個詞係好粵語嘅詞，係粵語先咁講??

香港中文大學中國語言及文學系博士黎智豐就話，喺古籍當中，好明確有記載，喺左傳當中，就有肥腯嘅使用。腯，係指豬肥胖嘅用語；牛羊用肥；人就用胖嚟形容。

隨住時代進步，為咗書寫嘅方便，做咗好多嘅新字，令我哋唔記得咗以前好多字。而喺古代嘅時候，對比較重視啲事情，就會將佢分得比較細。譬如：人嘅胖；牛羊嘅肥；豬嘅腯。可能呢個喺畜牧盛行嘅年代係好重要嘅。但係對現代嘅人，已經變得唔重要。肥嘅概念，擺係豬羊都可以理解，都可以接受，咁就唔需要分得咁仔細。又好似馬嘅種類、穀物嘅種類，呢啲字眼以前都係分得好仔細、好複雜。

咁現代亦都唔係只有簡化，現代亦都有一啲字詞比古代分得更仔細，例如職業嘅分類、科技、唔同國家嘅名、唔同風俗嘅形容，呢啲好多新詞進入到我哋嘅語言當中，而唔係咁常用嘅字詞就會被淘汰。