Rti 中央廣播電臺 
Rti 中央廣播電臺 
張啟樂
來賓：張啟樂
《臺灣夜市 Taiwan Yes！》邀請香港藝人朋友張啟樂，做伙來講臺語，嘛分享伊想欲留踮臺灣，提著臺灣身分證，成為正港臺灣人的願望。
十幾冬前，張啟樂就捌自香港來臺灣發展，上捷一個月往回臺北香港兩逝。講也天註定，兩冬外前，全球疫情爆發，伊就攏無轉去香港，蹛佇臺灣期間，伊開始有一寡戲劇演出的機會。不而過煞因為口音的因素，致使伊接的戲，總是演外來的人。嘛是因為這个因素，開始想欲學臺語，決心欲釘根臺灣。
「我的頭一个臺語老師是大明星：青峰」，張啟樂講伊過去教青峰講香港話，唱廣東歌。趣味的青峰，回敬臺語教學，「這三句話拄好會使用來熟識臺灣媠姑娘」。
毋過三句台語總是無夠，到底張啟樂按怎實踐伊的台灣夢，阿旻按怎教伊講臺語，敬請準時收聽節目。