朱仔回港報告

Rti 中央廣播電臺 Rti 中央廣播電臺

香港男子天團「Mirror」12位成員（圖片來源：HK01）

難得返香港，朱仔公私兩忙，但有個任務一定唔可以甩拖——就係幫屋企嘅Mirror小粉絲接收朋友送贈嘅應援物。呢兩年，男團Mirror喺香港嘅風頭一時無兩，據講係時勢造英雄，因為佢地生於香港人最需要力量同歡樂嘅時代。至於走勢有幾勁？睇下有人特登創作Black Mirror呢首歌嚟諷刺佢地「周圍都係」就知。但係「周圍都係」嘅何止Mirror，仲有港府強制市民使用嘅手機程式「安心出行」，簡直由朝嘟到晚。喺控制疫情同保護個人資料之間點樣搵平衡，台港政府採取咗大不同嘅策略。
今次返香港，離愁別緒比舊年更濃；朱仔同美智喺715公里之間連線，同大家娓娓道來。