前幾集講咗好多0243填詞法,大家而家識未?定係覺得越聽越難?
如果你係聽咗旋律,喺填0243數字嘅時候,仲要諗邊度填2,邊度填3嘅話,唔使灰心,今集,香港資深樂評人黃志華老師,要教大家一個最簡單嘅填詞法,唔使識樂理,唔使識粵語聲調,好簡單,只要打開隻耳仔,聽住音樂旋律,跟住旋律嚟唱就得啦!
好簡單𠺢,就好似有啲好聽嘅旋律,識旋律又唔記得歌詞嘅時候,好多人都會「啦」過去,唔用「啦」,淨係用「因」、「印」、「刃」、「人」呢四個相當於「三四二O」嘅代表字,跟住旋律嚟唱,唱完再諗返頭先唱咗咩字音,對應返粵語嘅幾層音高,再喺嗰層音高當中搵啱意思嘅字,咁就可以填詞啦!