Rti 中央廣播電臺 
Rti 中央廣播電臺 
澳門，Macau。(圖: needpix圖庫)
港澳港澳，香港同澳門經常俾外地媒體同外地人串埋一齊。的確，兩地接近、大環境大狀況類似、生活型態類似、市民互動往來頻繁、又都係講粵語寫繁體字......，驟眼一睇，兩個地方睇落好似，但仔細睇睇，其實又有好多唔似嘅地方。
就以粵語為例，港澳都講粵語，尤其澳門人多年嚟都係睇香港嘅電視頻道居多，受大眾媒體嘅影響，港澳粵語大致冇咩唔同，但仔細一聽，都係有啲習慣上嘅差別。
其中最明顯，可以講一開口就知道係澳門人嘅，就係講「澳門」、「南灣」、「西灣」、「媽閣」、「揞」...呢啲字嘅時候。
澳門本地人，講「澳門」係「澳滿」，外地人講「澳瞞」。澳門人講「南灣」「西灣」係「南環」、「西環」，外地人講「南彎」、「西彎」。澳門人講「媽閣」係「馬閣」，外地人講「嗎閣」。澳門人「揞錢」、香港人「撳錢」。
雖然點講都聽得明，而且好多人都唔在意，但就係有差別。而且澳門人並唔鐘意被歸類為香港人，或許係香港嗰邊，澳「滿」就係澳「滿」，澳「滿」人就係澳「滿」人。
