Rti 中央廣播電臺 
Rti 中央廣播電臺 
香港維港
你話，喺香港生活，最需要學識嘅語言係邊樣呢？英文？廣東話？定係普通話？
香港係一個普遍講廣東話嘅地方。得意嘅就係，好多台灣人、外省人、外國人喺香港，無論係讀書定係做嘢，生活左幾年，居然廣東話仲係呀呀烏嘅？
佢地話：「講英文得了，佢地都同我講英文。」「講國語得了，個個都聽得明。」所以，唔識廣東話喺香港生活、工作都完全冇問題？！
唔想承認，但的確係咁。睇你係白人、黑人直接同你講英文，睇你係外省人直接講普通話。無他，香港人乜嘢都要快，就人地講人地嘅語言，反正講得明聽得明就得，以效率嚟睇咁都冇咩唔好。
但係，你係想融入香港本地嘅生活？定係做一個離地嘅過客？唔識廣東話，唔同香港人交流相處，最大問題就係感受唔到呢個城市嘅脈搏，如果係咁樣嘅話，你又點會認識真正嘅香港？
呢個就好似睇周星馳嘅電影，台灣人好鐘意星爺嘅電影，係電視上經常重播，但播嘅都係國語配音，台灣人話好好笑好好笑。對我地廣東人嚟講，睇星爺國語發音嘅電影，真係到喉唔到肺，睇劇情可以，睇精髓唔該都係睇廣東話版，先至真係叫好笑！
