Rti 中央廣播電臺 
Rti 中央廣播電臺 
影視作品的翻譯，就有很多有趣的地方。(江昭倫 攝)
喺台灣住耐左之後，就算母語係粵語嘅人，有陣時都忍唔住自己笑自己話：「國語已經講唔正，估唔到而家連粵語都講唔正。」最經常嘅情況就係，兩溝，講國語有粵語腔，講粵語又撈左國語音。笑一笑，自我解釋講返句：「好耐冇講粵語啦！好耐冇人同我講粵語呀！」
喺台灣，其實真係冇咩機會講粵語。就算平時有人同你講，係會講得順啲，不過一開口，仲係自然會溝左好多國語化字詞，譬如：吐司、草莓、鳳梨、柳丁、烤肉、水果、老師、貸款......。尤其嗰啲名，無論係人名、地名、專有名詞......。平時講慣聽慣國語，霎時之間翻做粵語，仲唔識講添！
就算?起心肝要翻，有陣時仲真係唔識翻。譬如：鳳梨啫菠蘿，呢個冇問題，咁鳳梨酥呢？仲有咩牛奶鳳梨、金鑽鳳梨、鳳梨產銷班，乜乜烤肉店。仲有柳丁，人地話柳丁啫係橙，但其實柳丁同橙唔係同一種品種，口味根本差好多呀！...已經係品種嘅名、舖頭名、公司名，標語、口號......翻左又係唔係同一個意思呢？
