用母語學習永遠係最好嘅

Rti 中央廣播電臺 Rti 中央廣播電臺

香港中文大學。(圖取自香港中文大學官網)

普教中好啲？定係粵教中好啲？好多人睇到呢個標題就火滾......，冷靜冷靜。對呢個問題，好多人鬧又鬧過，辯論又辯論過，社會上呢？依然係信者恆信，不信者恆不信。

總而言之，無論教育政策係決定點樣？基本上，大家一定要知道嘅係：語言係冇好同唔好之分。而用係教育上，從學理同學術上，亦都無辦法判斷邊種語言好啲，邊種語言冇咁好。

咁至於用咩語言學習係最好？根據第一線的中文系老師的經驗認為：用母語係最好，因為熟悉容易記憶，容易理解，好溝通。

其實，喺香港中文大學嘅中文系，從學士到博士，除咗普通話呢一科係一定要用普通話之外，其他所有領域、所有學科，所有研討發表，冇科目係唔可以用粵語嚟學嘅。人哋高等教育都冇呢個語言使用嘅障礙同限制，點解初等教育、中等教育就有其他嘅諗法呢？

因為講到教育政策已經唔係學術嘅問題，係......大家都明白嘅問題。