Rti 中央廣播電臺 
Rti 中央廣播電臺 
粵語跟國語的比較
好多粵語嘅學習者都覺得，粵語真係好多倒裝。詞語倒裝、語句倒裝、順序倒裝…咩都可以倒裝！！不過，對粵語人嚟講，真係一啲都唔覺，甚至將呢個所謂「倒裝」現象點咗出嚟之後，大家先恍然大悟，原來呢啲叫倒裝呀！因為，呢啲習慣嘅講法，已經自自然然融入講嘢當中，習慣晒，唔覺得特別喎。
到底粵語係唔係真係好多裝倒？譬如：主詞嘅倒裝，「食飯未呀！你」「去咗邊呀！你」「有問題，我覺得」係喎！真係好經常會咁講。
重有，語句倒裝，「你食飯先」、「食得飽得滯」、「送嘢畀佢」、「畀枝筆我」語法上、文法上，粵語嘅呢啲講法，基本上同書面語就係唔同。
另外，重有詞語倒裝，宵夜—夜宵、地道—道地、力氣—氣力、隱私—私隱、質素—素質、韆鞦—鞦韆......同樣都係呢兩個字，不過就係同國語習慣嘅用法返過嚟，真係越講越得意啦！
