:::

「蕃薯屎未屙清」講邊度嘅口音有臉子啲?!

  • 播出時間: 2022-06-22
  • 按讚加入粵講粵威水粉絲團
粵講粵威水
地瓜(圖:中央社)

「蕃薯屎未屙清」,呢句俗語有冇聽過呢?以前生活比較艱苦嘅年代,有錢人先有飯食,冇錢就要食蕃薯。鄉下條件比較冇咁好,冇飯食就食蕃薯,咁屙出嚟嘅大便就係蕃薯屎。呢句俗語就係省城嘅人,譏諷鄉下人,話人哋咩都唔識咁嘅意思。

呢句俗語梗係好冇禮貌,而家啲人唔講嘅啦!可能都唔識添!不過,呢個情況仲有冇呢?以前,就講港澳地區,粵語講得唔正,會畀人笑嘅,會畀人話係「阿燦」,鄉下嚟嘅。喺省城、喺大城市大嘅,好似係威啲、有臉啲嘅。

而家仲會唔會咁呢!分幾方面講,而家粵語講得唔正,已經唔會畀人笑,好多外地人去到港澳,甚至覺得都唔使學粵語添!咁呢啲大城市大嘅人,會唔會再笑鄉下嚟嘅呢!大家撫心自問,自己就知啦!

「蕃薯屎未屙清」延伸到而家,比較得意嘅反而係--有冇人,就係會以講得一口邊度嘅口音自傲自居!或者係--非我族類者,總之同自己唔同口音,就覺得人哋「唔啱」「唔正」呢??

節目主持人

相關留言