粵語口語講時間,啫講幾點幾分呢啲,基本上同書面語,或者講同國語/普通話嘅講法大致差唔多。比較唔同,或者講比較得意嘅,有幾個細節。
不過,其中有幾個重點,對粵語學習者是一定要知道的。粵語老師William逐一講解說:"首先一定要講嘅,當然係「幾個字」嘅呢個講法。"譬如3點3個字,「3個字」意思就係指住3嘅呢個字,所以「3個字」就係15分,3點3個字就係3點15分。3點9個字,指住9嗰個字,就係3點45分。
仲有一個得意嘅講法,譬如:3點一個骨,呢個「一個骨」係嚟自英文。「四分之一」嘅英文係「a quarter」,音譯就係「一個骨」。 「3點一個骨」就係3點15分,「3點三個骨」就係3點45分,15分鐘就叫一個骨。
仲有,講時間長度。譬如:「要坐車坐2個小時」,粵語口語直譯就會講「要坐車坐2粒鐘/2個鐘」,「小時」係會講成「鐘」。
另外,有非粵語人覺得,「禮拜幾」,譬如禮拜一、禮拜日,呢種嘅講法亦都係粵語特色,平常國語/普通話習慣講星期幾,粵語就要講禮拜幾,咁樣先地道!你話係唔係呢?