Rti 中央廣播電臺 
Rti 中央廣播電臺 
平鎮高中黃金左投林維恩
許庭綸爸爸媽媽為孩子加油
平鎮高中總教練吳柏宏
平鎮高中第一強棒許庭綸
《野球風雲》轉播車開入來桃園市平鎮高中，2003年成立的棒球隊，這陣拄好21冬。桃園過去被笑講是野球沙漠，是平鎮高中跳出來，延續桃園三級棒球路。
故事通自2002年桃園縣時代，桃園新明國中青少棒球隊講起，無正規的棒球場，練習攏是佇咧學校的紅毛塗地，三不無時練習趨壘、接球，身軀全傷，不而過in創做「紅毛塗地傳奇」。
彼時提著桃園30外年來，頭改全國青少棒錦標賽冠軍，雖罔提著冠軍，這寡學生囡仔拄欲升高中，縣內無高中棒球隊好延續的大難關，經過濟濟人的拍拚之下，總算揣著平鎮高中有意願，設立棒球體育班，真無簡單才完成桃園市內三級棒球接接，共好的棒球人才留佇咧桃園。
今仔日咱欲來看這支球隊的黃金左投林維恩和強棒一番許庭綸，in未來結束學生棒球、畢業後，按怎開創野球人生。
