Rti 中央廣播電臺 
Rti 中央廣播電臺 
東體投手楊崧儒，屬於臺東「陽家班」成員
東體教練也是大學長，期待球員未來攏有好表現
東體隊長林泊廷爸爸用族語鼓勵家己的囡仔
東體隊長林泊廷媽媽鼓勵伊愛學好語言、球技嘛愛顧
東體隊長林泊廷未來已經準備欲去美國讀社區大學摃球
《野球風雲》轉播車開來到臺東大學附屬體育中學，欲來關心這寡東部囡仔，雖罔資源無大都市濟，但是一步一步改善人才流失的問題，將臺東優秀的囡仔留予牢。舊年木棒聯賽創造創隊以來上好第三，今年雖然干焦只有第六，不而過in猶是佇咧每一場比賽，攏展現東部囡仔的奮戰精神。
今仔日《Hito大人物》是咱臺東體育中學的投手「陽崧儒」，看著崧儒的姓，無毋著，就是「臺東陽家班」！爸爸是綠島公館國小教練陽一平，叔仔是前職棒投手陽建福，家族優秀的棒球基因，閣有大崧儒一歲的堂的堂兄陽柏翔，前往日本挑戰甲子園。原本陽崧儒嘛欲去日本，最後選擇留著咧臺東發展。毋過也落戰帖、「唱聲」堂兄，講「三粒球解決陽柏翔」。
另外一位是東體棒球隊隊長的林泊廷，是團結規隊重要的指標。雖然伊講「球技無遐好」，但是教練看泊廷較好鬥陣，予伊隊長這个身份。舊年因為東體去美國拍Baby Ruth盃賽，泊廷未來已經有去美國讀冊的目標，欲和兩位隊友做伙去美國阿肯色州讀社區大學，那讀冊、那摃球。泊廷的爸爸、媽媽雖然毋甘，猶是透過節目，予伊滿滿的祝福。
