Rti 中央廣播電臺 
Rti 中央廣播電臺 
興大附農泰雅游擊好手李楷棋
興大附農棒球隊
《野球風雲》節目轉播車今仔日開來到「國立中興大學附屬臺中高級農業職業學校棒球隊」，這支球隊成軍超過20年，雖然校園內無正式的球場，干焦有簡單的內野練習場，但是佇遮栽培出真濟球星，親像國防部長張育成就是佇這間學校出身。
這集咱邀請客家鄉親、高二投手張翊笙，第二位是鎮守游擊的高一學生李楷棋，是來自臺中市和平區的泰雅好手。楷棋自國小二年仔開始拍球。過去因為學校的關係，拍盃賽攏無著等，無法度拍到全國的前幾強。不而過，來到興大附農，才高一的身份，就靠伊的實力，徛穩先發游擊和二番的角色。
投手張翊笙身材較細隻，食袂大箍，過去定定受傷，過去有淡薄仔失志。開始重量訓練以後，身體有較好，實力嘛沓沓仔粒積起來。兩人對未來的看法，攏想欲去國外拍球，想欲和學長張育成仝款，去美國拍開展職業棒球路。不而過楷棋真驚英語講：「上英語課猶原聽較無」，但是伊承諾會改變家己，好好仔進步。楷棋嘛想欲增長家己的英語力，佇遐好好仔享受摃球人生。
這兩个學長佮學弟，蹛仝間宿舍，感情好甲，到底節目上閣講啥物「棒球經」，緊來聽野球風雲你著知。
