「 Scout,球探」你知影偌濟咧?棒球球探按怎做揀選新秀?今仔日《野球風雲》毋但欲紹介這項職業,嘛欲來聽看覓,美國職業棒球堪薩斯皇家隊(Kansas City Royals)亞洲區球探Nathan Miller,佇臺灣釘根,和臺灣人結連理、結婚,嘛為臺灣生下新臺灣之子:雷皓博,嘛是真有Power的高中棒球選手。
講著球探Nathan Miller的後生雷皓博,這陣已經高二,是桃園北科附工棒球隊隊裡的「黃金投手」。這對棒球球探、球員爸仔囝的組合,按怎鬥陣?爸爸講,Nathan Miller講,伊希望予伊的後生閣較濟獨立的空間,去發展棒球路,節目內容有夠精彩,緊來收聽。