:::

夜市放送頭|廟口、車頭練活戲功夫 阮劇團用臺語行向世界舞台

  • 播出時間: 2022-04-26
  • 按讚加入臺灣夜市Taiwan Yes粉絲團
臺灣夜市Taiwan Yes
曾偉旻與汪兆謙

來賓:汪兆謙

「阮劇團」舊年徛上國家舞台,予滿18歲的劇團一个成年禮。今年創立第19冬,有閣較大的視野。《臺灣夜市 Taiwan Yes!》邀請創辦人汪兆謙,分享自學生時代創團到今的沓沓滴滴。
讀嘉義高中的時陣,因為文建會「青少年戲劇推廣計畫」,佇學校成立了戲劇社,和一陣好朋友開展劇場之路。汪兆謙回想,上臺北讀大學,感覺台北看戲簡單,為啥物家己成長的嘉義啥物攏無?大學第一冬就決定選擇佇故鄉嘉義徛起,用臺語出發。無論戲劇創作或者是教學推廣工課,有影是「愈在地就愈國際」。
阮劇團走揣俗民文化佮現代劇場接接的上大公約數,伊鼓勵團員愛學歌仔戲、布袋戲,甚至323迎媽祖嘛愛綴咧行,用行動和土地做上深的連結。團員毋但正式劇場演出,嘛佇嘉義車頭、廟口粒積表演做活戲的功夫。《臺灣夜市 Taiwan Yes!》邀請聽眾朋友做伙來聽阮劇團的成長故事。

節目主持人

相關留言