:::

夜市來讀冊|語言學家劉承賢為你解破臺語

  • 播出時間: 2022-06-28
  • 按讚加入臺灣夜市Taiwan Yes粉絲團
臺灣夜市Taiwan Yes
劉承賢系教授

受訪來賓:劉承賢(臺灣師範大學臺灣語文學系教授)
 

臺語DNA藏佇你的頭殼底?啥,你毋信?炎亞綸講「有哭嗎?」中國網友玻璃心唱講,「哭了嗎,為什麼要說『有哭』」?著,這就是一款臺語影響華語的經典案例。論真講起來,臺語的影響有夠深,只是這款DNA你無好好仔熟識。《臺灣夜市Taiwan Yes!》夜市來讀冊單元邀請國立臺灣師範大學臺灣語文學系教授劉承賢,做伙來講臺語的文法。

做為一位語言學家、教授,為逐家解破臺語,劉承賢驚逐家攏認為教授的研究,離人間傷遠,驚予人佇天頂飛。《語言學家解破臺語》就欲拍破你的觀念。一般人想著文法攏真倒彈,不而過,語言文法簡單來講,就是一種歸納,一種粒積。伊針對民眾普遍想欲了解臺語文法所寫,是一本輕鬆閣好讀的科普臺語知識冊,所以「免驚啦」。​

講著臺語的詞構、語序,跨語言的對比、歷史演變,建立語言的理路,就變成咱的臺語語法。劉承賢教授分享這回伊和出版社做真濟試驗,放手予出版社,用in的專業規劃出版,就是先刣掉三份一「傷過專業的內容」,留下對非語言學專業的讀者,較好吸收的三分之二。

這本冊進前佇咧國際冊展現場,就被搶了了。​甚至,上市了後衝上電子冊點排行榜,嘛已經二刷,​阿旻邀請劉承賢教授來到節目頂,為逐家解破臺語。嘛邀請逐家做伙來踅夜市,做伙來讀《語言學家解破臺語》這本冊喔。

 

節目主持人

相關留言