Rti 中央廣播電臺 
Rti 中央廣播電臺 
藍士博與曾偉旻
來賓:藍士博
《臺灣夜市 Taiwan Yes！》今仔日夜市放送頭邀請藍士博，轉來央廣後頭厝上節目，做伙來講史明歐吉桑的故事，嘛欲邀請伊來講，按怎傳承歐吉桑的精神。
藍士博讀過五專、考過轉學考進入臺大，冊猶未讀煞，就考牢政大台文所。台大讀冊期間參與濁水溪社復社、野草莓運動佮太陽花學運，這十幾冬來的社會運動攏參與有著。藍士博捌開過咖啡廳，佇咧理想和經營困難兩爿搝大索。嘛捌辦過共生音樂節，最近開始佇政治箍仔想欲實現理想。
有人笑藍士博是「人體唸經機」，有想法一開喙就像機關銃講袂停，毋是干焦會講袂做，總是用實踐做目標，箍倚眾人協力完成。親像伊和友志完成史明的口述歷史，得著金鼎獎第三十八屆非文學圖書類肯定。2021年9月20，史明教育基金會史明文物館開幕，藍士博成為文物館頭一任館長。藍士博按怎傳承歐吉桑的精神，咱做伙來聽。